🚀 Stop Stressing and Start Succeeding
Join our courses trusted by 2,000+ students!
🔥 Enroll Today and Get These Benefits:
- ✔ For Beginners and Advanced Students
- ✔ Interactive Live Courses
- ✔ Expert Score Analysis
- ✔ Exclusive Practice Resources
⏳ Limited Time Offer! Secure Your Spot Today.
كل ما تحتاج معرفته عن الدبلومة الأمريكية في مصر: دليل شامل للأهالي
إيه هي الدبلومة الأمريكية وإزاي
تشتغل في مصر؟
كتير من الأهالي بيسألوا عن نظام
الدبلومة الأمريكية وإزاي ولادهم يقدروا يلتحقوا بيها. الدبلومة الأمريكية هي نظام
تعليمي معترف بيه دوليًا وبيدي الطلاب فرصة إنهم يدرسوا منهج أمريكي ويأهلهم للدراسة
في الجامعات الأمريكية والعالمية.
إزاي نظام الدبلومة الأمريكية
بيشتغل في مصر؟
الدبلومة الأمريكية في مصر ليها
جزئين رئيسيين:
1. مواد المدرسة (GPA
Courses): دي 8 مواد، 5 منهم أساسية زي الفيزياء، الرياضيات، الأحياء، الإنجليزي، و3
مواد تانية زي الكمبيوتر، الفرنساوي، التاريخ الأمريكي، أو الرسم الهندسي. كل مادة
من دول بتتحسب "ون كريديت" وبتتدرس في الصفين 11 و12. المجموع الكلي للمواد
دي 800 درجة وبتمثل 40% من الدرجات الكلية للطالب.
2. الامتحانات المؤهلة للجامعة
(ACT, SAT, EST): دي امتحانات قياسية بتتاخد في الصفين 11 و12 وفيها مستويين لكل نظام
(زي EST 1, EST 2). الطالب بيختار النظام المتاح له، وبعد إلغاء امتحان SAT في مصر،
فالخيارات المتاحة حاليًا هي EST و ACT.
إزاي بيتحسب تنسيق القبول بالجامعات؟
- للتنسيق الحكومي والأهلي الجديد:
لازم الطالب يجيب 1050 في EST 1 (أو ما يعادله في ACT) و1100 في EST 2. EST 1 بيمثل
60% و EST 2 بيمثل 15%. لو الطالب جاب 1090 فما فوق، بياخد بونص وبدل ما EST 1 تتحسب
60%، بتتحسب 69%.
- للجامعات الخاصة: لازم 800
في EST 1 و900 في EST 2 (أو ما يعادلهم). بردو EST 1 بتمثل 60% بس لو الاسكور 1090
فما فوق، بتتحسب 75%.
إيه هي مواد الامتحانات القياسية؟
- EST 1 / ACT: إنجليزي ورياضيات،
والمجموع الكلي 1600 (800 لكل مادة)
- EST 2: رياضيات، أحياء، فيزياء،
كيمياء. الطالب بيختار أي مادتين، وعادةً بيختاروا الرياضيات والأحياء عشان يفتحوا
مجال للكليات العلمية والطبية والهندسة.
أسئلة شائعة:
س: هل لازم ياخد الطالب EST
2 عشان يدخل كلية نظرية؟
ج: لأ مش لازم، بس كتير بياخدوه
عشان يزودوا مجموعهم الكلي.
س: إيه النسب المئوية لكل جزء
في حساب المجموع؟
ج: للتنسيق الحكومي/الأهلي:
GPA 40% + EST 1 60% أو 69% + EST 2 15% = 124%
وللجامعات الخاصة: GPA 40% +
EST 1 60% أو 75% + EST 2 15% = 130%
س: إيه هي أفضل مواد آخدها في
EST 2؟
ج: معظم الطلبة بياخدوا الرياضيات والأحياء عشان يفتحوا مجال للكليات العلمية والطبية والهندسة اللي بتحتاج EST 1 + EST 2 + GPA.
يارب المعلومات دي تكون مفيدة للأهالي اللي بيدوروا على معلومات عن نظام الدبلومة الأمريكية في مصر. لو عندكم أي أسئلة تانية، اكتبوها في الكومنتات وهنحاول نجاوب عليها.
More information:
